Блогер қуанышты жаңалығын әлеуметтік желідегі парақшасында бөлісіп, марапат алу сәтінен видео жариялады.
«Канны қаласында “Үздік саяхатшы блогер 2026” марапатын иелендік! Аллаға шүкір», – деп жазды ол.
Дастан Мұхамедрахымды Туризм және спорт министрі Ербол Мырзабосынов та арнайы құттықтап, оның Қазақстанның туристік әлеуетін халықаралық деңгейде танытуға қосып жүрген үлесін ерекше атап өтті.
«Бұл беделді халықаралық марапат – қажырлы еңбек пен жоғары кәсібиліктің нәтижесі. Жуырда ғана Дастан Мұхамедрахымовқа еліміздің туристік әлеуетін халықаралық деңгейде насихаттауға қосқан үлесі үшін “Туризм саласының үздігі” төсбелгісін табыстаған едім. Бұл – оның еңбегіне берілген лайықты баға», – деді министр.
Ведомство басшысының айтуынша, блогердің фото, видео және авторлық контенті арқылы әлемнің түкпір-түкпіріндегі миллиондаған адам Қазақстанның табиғаты мен мәдениетін танып, елімізге саяхаттауға қызығушылық танытып отыр.
«Оның Қазақстан туризмін әлемге заманауи форматта танытудағы еңбегі ерекше құрметке лайық. Бұл жеңіс – тек Дастанның ғана емес, тұтас Қазақстан туризмінің жетістігі», – деп жазды Ербол Мырзабосынов әлеуметтік желідегі парақшасында.
