Мамандардың мәліметінше, биыл аудан аумағында ауыл шаруашылығы алқаптарын зиянкестерден қорғау мақсатында жалпы көлемі 25 395 гектар жер өңделеді.
Жоспарға сәйкес, саяқ шегірткеге қарсы 15 795 гектар аумақ қамтылады. Оның ішінде 8 мың гектар жер әуе техникасымен, ал 7 795 гектар жер үсті техникасымен өңделмек.
Сондай-ақ, үйірлі шегірткеге, оның ішінде итальяндық прусқа қарсы 9 600 гектар жерге химиялық өңдеу жүргізу жоспарланған. Оның 6 800 гектары әуе техникасымен, 2 800 гектары жер үсті техникасымен атқарылады.
Қазіргі уақытта жұмыстар Қараой ауылдық округінде қарқынды жалғасып жатыр. Бүгінгі күнге дейін жер үсті техникасымен 3 320 гектар, ал әуе техникасымен 2 990 гектар жер өңделген. Жалпы көлемі – 6 310 гектар.
Бұдан бөлек, итальяндық прусқа қарсы 1 800 гектар аумаққа химиялық өңдеу жүргізілді.
Аудан әкімдігінің мәліметінше, өңдеу жұмыстары күн сайын таңғы сағат 04:00-ден бастап Іле ауданы ауыл шаруашылығы бөлімінің басшысының тікелей бақылауымен жүзеге асырылып жатыр.
“Фитосанитарлық қауіпсіздік – ауданның тұрақты бақылауындағы маңызды бағыттардың бірі”, – деп атап өтті жауаптылар.
