Ведомство ұсынған мәліметке сәйкес, соққының күші қатты болғаны соншалық – көліктің кабинасы мыжылып, жүргізушінің аяғы жаншылған темірдің арасында қысылып қалған. Оқиға орнына ҚР ТЖМ «Барыс» республикалық жедел-құтқару жасағының мамандары жедел жеткен.
Құтқарушылар зардап шеккен азаматты босату үшін Holmatro кәсіби гидравликалық құралын қолданған. Мамандар операцияны аса мұқият жүргізгенін айтады, себебі жүргізушінің қосымша жарақат алу қаупі жоғары болған.
1986 жылы туған ер адам көліктен шығарылып, әрі қарай медициналық көмек көрсету үшін жедел жәрдем қызметкерлеріне тапсырылды. Ол ауруханаға жеткізілген.
Төтенше жағдайлар министрлігі жүргізушілерді жол қозғалысы кезінде жылдамдық режимін қатаң сақтауға, әсіресе елді мекендер аумағында барынша мұқият болуға шақырды.
