Егер түлек мемлекеттік оқу орнына түссе, университетті бітіріп шыққанша сол келісім шарттағы бағаны төлейді. Ал, жекеменшік санаттағы оқу орындарында жағдай мүлде бөлек. Ол жерде ақылы бөлімде оқитын студенттер үшін білім құны әр жыл сайын 15 пайызға өсіп отырады.
«Баламды ақылы оқытайын деп жатырмын. Бірақ, ақылы бөлімнің бағасы көтерілмесе деген ұсынысым бар. Бағаларын көрдік. 4 жыл бойы сақталса деген ойым бар», – деді Алматы облысының тұрғыны Гүлжанат Мергенбайқызы.
Алайда, оқу орындары келісім шартты сақтағанымен, әр жыл сайын оқу ақысын қымбаттатуды тоқтатар емес.
«Мен таңдап отырған универлердің ішінде барлығы дерлік бірдей. Бірақ алғашында 1 млн 250, екінші жылға 1 млн 400 мың, үшінші жылға 1 млн 600 мың теңге төлейсін. Барған сайын көтеріле береді», – дейді түлек Дәурен Ердіханұлы.
Кәсіптік бағдар беру мамандары: «Оқу ақысы елдегі экономикалық жағдайға байланысты өсіп отырады. Бұл қалыпты құбылыс»,- дейді.
Сондай-ақ сарапшылардың пікірінше, түлектердің көбі грант қай салада көп, соған барады. Тіпті сол кәсіпті қаламаса да таңдауға мәжбүр.
