Іс-шаралар «Заң мен тәртіп» тұжырымдамасы аясында ұйымдастырылып, жасөспірімдер мен жастар арасында заңға құрмет пен жауапкершілік қағидаттарын қалыптастыруға бағытталған.
Ұйымдастырушылардың пікірінше, заңды құрметтейтін, өз денсаулығын бағалайтын және болашағына жауапкершілікпен қарайтын жастар – елдің тұрақты дамуы мен жарқын келешегінің кепілі.
Мамандар бүгінде нашақорлықпен күрес тек құқық қорғау органдарының міндеті емес екенін атап өтеді. Бұл мәселеде ата-аналардың, педагогтердің, спорт ұйымдарының және бүкіл қоғамның рөлі ерекше.
«Балалардың бос уақытын тиімді ұйымдастыру, оларды спортқа, шығармашылыққа және қоғамдық белсенділікке тарту – зиянды әдеттердің алдын алудың ең тиімді жолдарының бір», – дейді сала мамандары.
Алматы облысында өткізілетін профилактикалық іс-шаралар аясында жастармен кездесулер, түсіндіру жұмыстары, спорттық жарыстар мен мәдени шаралар ұйымдастырылып келеді. Мұндай бастамалар жастарды салауатты өмір салтын ұстануға ынталандырып, құқықтық сауаттылықты арттыруға мүмкіндік береді.
«Өмірді таңда! Денсаулықты таңда!» қағидаты бүгінде жастар арасында кеңінен насихатталып келеді. Себебі қауіпсіз әрі дамыған қоғам құру әр азаматтың жауапкершілігінен басталады.
