Таңғы уақытта басталған тазалық жұмыстарына ауылдың белсенді тұрғындары қатысып, «Dubai Resort» туристік демалыс аймағының аумағын толықтай қоқыстан тазартты. Ұйымдастырушылардың айтуынша, шараның басты мақсаты – қоршаған ортаны қорғау мәдениетін қалыптастыру және қоғамдық кеңістіктердің тазалығын сақтау.
Сенбілікке 50-ге жуық ерікті жұмылдырылды. Қатысушылар тұрмыстық қалдықтарды жинап, демалыс аймағын ретке келтірді. Ауыл тұрғындары мұндай бастамаларға белсенді қатысу арқылы табиғатқа деген жанашырлықтың нақты үлгісін көрсетіп келеді.
Айта кетейік, «Dubai Resort» – Байсерке ауылдық округінде жүзеге асырылып жатқан ірі туристік жобалардың бірі. Кешен бір мезетте 1100 адамды қабылдауға қауқарлы. Бүгінде нысан толыққанды жұмыс істеп тұр, жоба аясында 60-тан астам жергілікті тұрғын тұрақты жұмыспен қамтылған.
Сонымен қатар, 2025 жылдың шілде айында пайдалануға берілген «Dubai» аквапаркі өңірдің туристік әлеуетін арттырып, ауыл инфрақұрылымының дамуына оң әсерін тигізіп отыр.
