Жоба 2025 жылға арналған жоспар аясында жүзеге асырылып жатыр. Қазіргі таңда Исатай батыр және Лашын көшелерінде маршруттық тәсілмен асфальт-бетон жабынын төсеу жұмыстары жүргізілуде.
Жол жөндеу жұмыстарының тапсырыс берушісі – Талғар ауданының «Жолаушылар көлігі және автомобиль жолдары» мемлекеттік мекемесі. Ал мердігер ұйым ретінде «Алматы Жолдары» ЖШ
Жоба аясында Исатай батыр көшесінде жол құрылысы толық аяқталған. Ұзындығы 385 метрді, ал ені 7,5 метрді құрайтын көшеге жаңа асфальт-бетон жабыны төселіп, пайдалануға берілді.
Ал Лашын көшесінде құрылыс жұмыстары әлі де жалғасып жатыр. Көшенің ұзындығы 550 метр болса, ені 5 метрді құрайды.
Жергілікті тұрғындардың айтуынша, жол сапасы айтарлықтай жақсарып, көлік қозғалысына қолайлы жағдай жасалған. Ауыл тұрғындары атқарылып жатқан жұмыстарға ризашылықтарын білдіріп отыр.
Тексеру барысында аудан әкімі мердігер ұйым өкілдеріне құрылыс сапасын ерекше бақылауда ұстауды және барлық жұмыстарды белгіленген мерзімде аяқтауды тапсырды.
