Advertisement
Қазақстан жаңалықтары - Alataunews
  • Русский язык
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Whatsapp
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Қазақстан жаңалықтары - Alataunews
No Result
View All Result
Басты бет Жаңалықтар Аймақ

Шонжыда орманшылар дауыс беріп, мектеп ауласына 30 түп ағаш отырғызды

Алматы облысы Ұйғыр ауданына қарасты Шонжы ауылында республикалық референдум күні ерекше бастама жүзеге асты, деп хабарлайды alataunews.kz.

Қорлан Нұрланқызы
15.03.2026
Аймақ, Алматы облысы, Жаңалықтар

«Қарадала орман шаруашылығы» мекемесінің қызметкерлері дауыс беріп болған соң, Жаңабай Құдайбергенов атындағы орта мектептің ауласына ағаш отырғызды.

Аудан тұрғындары ел тарихындағы маңызды күнді есте қаларлықтай өткізуге тырысқан. Әр сала өкілдері референдумға белсенді қатысып, азаматтық ұстанымдарын білдірді.

Орман шаруашылығы қызметкерлері алдымен сайлау учаскесіне келіп, өз таңдауларын жасап, кейін мектеп ауласына көшет отырғызу акциясын ұйымдастырды. Жалпы білім ордасының ауласына 30 түп жас ағаш егілді.

Қарадала орман шаруашылығының басшысы Айдос Адабайұлы бұл бастаманың мәнін түсіндірді.

«Бүгінгі күн ел тарихындағы маңызды күн. Біз жаңа Конституцияны бекіту үшін дауыс беріп, болашағымыздың іргетасын бірге қалап жатырмыз. Мемлекет басшысының мұндай маңызды мәселелерді халықпен ашық талқылап, ел таңдауы арқылы шешуі  көрегендік. Біз ағаш отырғызу арқылы азаматтарды табиғатты қорғауға шақырып, бүгінгі тарихи күннің белгісі ретінде мектеп ауласына көшет егуді жөн көрдік», – деді ол.

Оның айтуынша, отырғызылған ағаштар уақыт өте келе өсіп, жайқалып, болашақ ұрпаққа көлеңке болатын үлкен бәйтерекке айналады. Бұл бастама мемлекеттің де дәл сол ағаштай тамырын тереңге жайып, нығая түсуін білдіретін символ ретінде қарастырылған.

«Дауыс бер, өз ағашыңды отырғыз» акциясы аудан тұрғындары үшін үлгі боларлық игі шараға айналды. Енді мектептің жаңа ғимаратының ауласында 15 наурыз күні отырғызылған 30 түп ағаш өсіп, осы күннің естелігі ретінде сақталмақ.

Мектеп директоры Берікбай Атагелдиев те орманшылардың бастамасына ризашылығын білдіріп, жас көшеттерге тиісті күтім жасалатынын айтты.

Тегтер: Алматы облысыҚазақстан

Соңғы жаңалықтар

Қонаевта 250-ден астам сарапшы білім беруде жасанды интеллектіні қолдану мәселесін талқылады

Қорлан Нұрланқызы
20.11.2026

Интернеттегі алаяқтықтан сақ болайық

Акжаркын
20.11.2026

Нашақорлыққа жол жоқ: болашақ өз қолымызда

Акжаркын
20.11.2026

Алматы облысында үйдің шатыры өртеніп, бір бөлігі опырылды

Қорлан Нұрланқызы
20.11.2026

Өзбекстанда қазақ жазушысы Рахметолла Райымқұловтың ескерткіші ашылды

Қорлан Нұрланқызы
20.11.2026

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
ZERO.kz

© 2022-2024 www.alataunews.kz

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
  • Русский язык

© 2022-2024 www.alataunews.kz