Шамалған ауылында жеке үйдің ауласынан жылан табылды

Ведомство мәліметінше, 112 пультіне тұрғындардың бірі аулада жылан жүргені туралы хабарлаған.

Оқиға орнына жедел жеткен құтқарушылар арнайы құралдардың көмегімен жыланды ұстап, бөтелкеге салған.

Кейін бауырымен жорғалаушы адамдарға қауіп төндірмес үшін қауіпсіз жерге шығарылған.

ТЖМ тұрғындарды төтенше жағдай туындаған кезде 112 нөміріне хабарласуға шақырды.