Тазалық жұмыстары Таза Қазақстан экологиялық акциясы аясында ұйымдастырылған.
Мәліметке сәйкес, елді мекенде осыдан 30 жыл бұрын көшірілген үйлердің орындары қоқыс пен құрылыс қалдықтарының үйіндісіне айналған. Қазіргі таңда оларды кезең-кезеңімен тазалау жұмыстары жүріп жатыр.
Шеңгелді ауылдық округі әкімінің міндетін атқарушы Жандос Манеевтің айтуынша, бұл аумақта көшіп кеткен 20 үйдің іргетасы сақталған.
«Үйінділер кезең-кезеңімен тазаланып жатыр. Қазір бес үйдің орны толық тегістеліп, қатты тұрмыстық қалдықтар шығарылуда», – деді ол.
Ұйымдастырушылардың айтуынша, бұл жұмыстар елді мекен аумағын абаттандырып қана қоймай, экологиялық ахуалды жақсартуға да ықпал етеді. Тазалау жұмыстары алдағы уақытта жалғасады.
