Акцияның негізгі мақсаты – отбасылық зорлық-зомбылықтың алдын алу, зардап шеккен азаматтарға көмек көрсету және тұрғындармен ашық пікір алмасу.
Бүгінде отбасындағы зорлық-зомбылықтың кез келген түріне заңмен тыйым салынған. Отбасы – қоғамның негізі, ал оның қауіпсіздігі мен тұрақтылығы қоғамның әл-ауқатына тікелей әсер етеді.
Онлайн-акция барысында отбасылық зорлық-зомбылыққа тап болған немесе осындай жағдайдың куәсі болған азаматтар өз сұрақтарын қойып, ұсыныс-пікірлерін қалдыра алады. Түскен барлық өтініштер міндетті түрде қаралады.
Азаматтардың сауалдарына отбасылық зорлық-зомбылыққа қарсы күрес бөлімшелерінің қызметкерлері жауап беріп, қажетті кеңес береді. Қажет болған жағдайда мамандар көрсетілген мекенжайға барып, тиісті көмек көрсетеді.
Онлайн алаң барлық азаматтар үшін ашық. Ал Threads платформасын пайдалануды білмейтін тұрғындар үшін оған кіру және өтініш қалдыру тәртібі экранда кезең-кезеңімен көрсетіледі.
Мамандар тұрғындарды отбасылық зорлық-зомбылық жағдайларына бейжай қарамай, қажет болған жағдайда көмекке жүгінуге шақырады.
