Жиынды Қонаев қаласы әкімінің орынбасары Т. Ақмұрзаев өткізді. Кездесу барысында облыс орталығының тазалығын сақтау, абаттандыру және көгалдандыру жұмыстарын күшейту мәселелері талқыланып, нақты міндеттер белгіленді.
Әсіресе кәсіпорын басшылары мен кәсіпкерлерге өздеріне бекітілген аумақтар мен оған іргелес жерлерді тұрақты түрде тазалап, күтіп ұстау қажеттігі ескертілді. Сонымен қатар, «Таза Қазақстан» бастамасын қолдау тек ұйымдардың ғана емес, әрбір тұрғын мен өңір қызметкерінің ортақ жауапкершілігі екені атап өтілді.
Кездесу қорытындысы бойынша қатысушылар ұсынылған бастамаларды бірауыздан қолдап, қаланың тазалығы мен көркін арттыруға белсенді үлес қосуға дайын екендерін жеткізді.
Айта кетейік, «Таза Қазақстан» акциясы еліміздің барлық өңірінде кең көлемде жүзеге асырылып, экологиялық мәдениетті қалыптастыруға бағытталған.
Таза қала — ортақ міндет.
