Министрдің айтуынша, 2022 жылдың алты айында ана өлімін 2,4 есеге төмендетуге қол жеткізу мүмкін болады.
«Бұл ретте ең жоғары көрсеткіш Павлодар, Қарағанды, Қызылорда және Батыс Қазақстан облыстарында байқалады», — деді Ажар Ғиният.
Ана өлімінің жоғары себептерінің ішінде акушерлік асқынулар 70%, соматикалық аурулар 30% болды.
Нәресте өлімі әлі де жоғары. 2021 жылдың бірінші жартыжылдығымен салыстырғанда 6,5% өсім байқалады.
Нәресте өлімінің ең жоғары көрсеткіші Шымкент, Қостанай, Батыс Қазақстан, Солтүстік Қазақстан және Қызылорда облыстарында. 60% жағдайда шала туған нәрестелердің өлімі тіркелген.
