Халықаралық және республикалық маңызы бар автомобиль жолдарын басқаратын ұлттық оператор «ҚазАвтоЖол» ҰК» АҚ жолдарда күтілген қолайсыз ауа райы туралы хабарлап, жүргізушілерге сақтық шараларын ұстануға шақырды, деп хабарлайды alataunews.kz.
«ҚазАвтоЖол» мәліметінше, 2024 жылдың 4 қарашасында кейбір өңірлерде келесідей ауа райы күтілуде:
- Жаңбыр — Атырау, Алматы, Жамбыл, Қарағанды, Қызылорда және Абай облыстарында;
- Жаңбыр мен қар — Ақмола, Солтүстік Қазақстан және Батыс Қазақстан облыстарында.
«Жүргізушілерден қауіпсіздік ережелерін қатаң сақтауын және ауа райының қолайсыздығын ескерулерін сұраймыз», — деп хабарлады «ҚазАвтоЖол».
Сонымен қатар, қазақстандықтар тәуліктің кез келген уақытында 1403 байланыс орталығына хабарласып, жол жағдайы бойынша қосымша ақпарат ала алады. 2024 жылғы 31 қазанда Қостанай облысында ауа райының нашарлауына байланысты кейбір жол учаскелерінде барлық көлік түрлеріне қозғалыс шектеулері енгізілген болатын.
