«ҚазАвтоЖол» ұлттық компаниясы 2024 жылғы 23 қазанда республикалық автожолдарда ауа райының нашарлауына байланысты мәлімет жариялады, деп хабарлайды alataunews.kz.
Алматы, Ақтөбе, Абай, Жамбыл, Қызылорда, Қарағанды, Қостанай, Павлодар және Түркістан облыстарының кей жерлерінде жаңбыр күтіледі. Ал Ақмола, Солтүстік Қазақстан және Шығыс Қазақстан облыстарында қар аралас жаңбыр жаууы ықтимал.
Жолдағы қауіпсіздік ережелерін қатаң сақтау қажеттігін ескерткен компания жүргізушілерге ауа райының қолайсыздығын назарға алуды ұсынды. Қосымша ақпаратты тәулік бойы 1403 байланыс орталығынан алуға болады.
