Жоба мемлекеттік қызмет көрсету үдерісін жетілдіру және азаматтарға құжаттарды рәсімдеуді жеңілдету мақсатында қолға алынған. Жоспарға сәйкес, 2026 жылдың 1 наурызына дейін жеке куәліктің жарамдылық мерзімі аяқталған жағдайда, оны онлайн ауыстыру мүмкіндігі ұсынылады.
Алайда, бұл қызмет тек белгілі бір шарттар орындалған жағдайда ғана қолжетімді:
- Егер жеке куәлік мерзімінің аяқталуына 30 күн немесе одан аз уақыт қалса;
- Егер құжат мерзімі 10 күннен аспайтын уақытқа өтіп кетсе.
Басқа жағдайларда, жеке куәлікті жаңарту «Электрондық үкімет» порталы мен мобильді қосымшалар арқылы мүмкін болмайды, ал азаматтарға ХҚКО-ға жүгіну қажеттігі туралы хабарлама беріледі.
Ресми мәліметтерге сәйкес, Қазақстан Республикасының әрбір азаматы 16 жастан бастап жеке куәлік алуға міндетті. Бұл құжат республика аумағында жарамды және 10 жыл мерзімге беріледі.
