Бұл туралы компанияның негізін қалаушы әрі бас атқарушы директоры Павел Дуров Digital Bridge 2025 халықаралық технологиялық форумының пленарлық отырысында мәлімдеді.
Дуров Қазақстанда бір жыл бұрын алғашқы өңірлік кеңсе ашылғанын еске салып, оның оң нәтижелер бергенін атап өтті.
«Бүгін мен Alem.Ai ғимаратында жасанды интеллект зертханасының ашылатынын жариялағаныма қуаныштымын. Бұл Telegram мен Қазақстанның суперкомпьютерлік кластерінің бірлескен жобасы болады. Зертхана Жасанды интеллект министрлігінің қолдауымен дәл осы Қазақстанда іске қосылады», – деді ол.
Компания басшысының айтуынша, соңғы бірнеше айда Telegram блокчейн мен жасанды интеллект негізінде жаңа технология әзірлеген.
«Бұл технология әлемнің бір миллиардтан астам пайдаланушысына генеративті жасанды интеллект мүмкіндіктерін қолдануға жол ашады», – деді Павел Дуров.
Telegram-ның Астанада зертхана ашуы Қазақстандағы цифрлық экожүйені дамытудағы маңызды қадам болып отыр. Жаңа орталық жасанды интеллект саласындағы инновацияларды қолдап қана қоймай, еліміздің халықаралық IT-хаб ретіндегі мәртебесін арттыра түспек.
