Вице-премьер Серік Жұманғарин Үкімет доллар бағамының өсуіне байланысты азық-түлік бағасын қалай тұрақтандыру жоспарлары туралы сұраққа жауап берді, деп хабарлайды alataunews.kz.
Жұманғариннің айтуынша, Қазақстан әлеуметтік маңызы бар тауарлардың 10 түрі бойынша өзін 100 пайызға қамтамасыз етеді. Олардың қатарында ұн, тұз, күріш, макарон, май, картоп, қой еті, сиыр еті және сәбіз бар.
Сонымен қатар, азық-түліктің 14 түрі бойынша 80 пайыздан астам қамтамасыз етілгенін, алайда құс еті (73%), шұжық (60%), балық (60%), ірімшік пен сүзбе (46%), қант (44%) секілді өнімдер бойынша импортқа тәуелділік бар екенін айтты. Бұл өнімдер қымбаттауы мүмкін, бірақ бағалардың күрт өсуі күтілмейді.
Жұманғариннің мәлімдемесіне сәйкес, соңғы аптаның мониторинг нәтижелері дүкендердегі бағалардың айтарлықтай өзгермегенін көрсеткен.
