Қазақстан футбол федерациясы мен Қазақстан футзал қауымдастығы ұсынған өтінім мақұлданып, жасөспірімдер құрамасы қабылдаушы ел ретінде финалдық кезеңге автоматты түрде жолдама алды. Жарысқа барлығы сегіз команда қатыспақ.
Бұл шешім – елімізде футзалдың қарқынды дамып келе жатқанын және халықаралық қауымдастық тарапынан сенімге ие болғанын көрсетеді. Қазақстан бұған дейін де футзалдан ірі жарыстарға қатысып, Еуропаның үздік құрамалары қатарынан көрінген болатын.
Мамандардың айтуынша, жасөспірімдер арасындағы Еуропа чемпионаты еліміздегі футзал жанкүйерлері үшін үлкен мереке болмақ. Сонымен қатар, бұл қадам жастардың спортқа деген қызығушылығын арттырып, отандық футзалдың дамуына тың серпін береді.
