Министрдің айтуынша, есепті кезең мемлекеттік қаржы жүйесі үшін оңай болған жоқ.
«Бюджеттің орындалуына сыртқы баға факторлары, инфляциялық қысым, геосаяси жағдай және мемлекеттік қаржыға түсетін жүктеменің артуы әсер етті. Соған қарамастан Үкімет экономикалық өсімді қамтамасыз етті, әлеуметтік міндеттемелерді толық орындады және негізгі инфрақұрылымдық жобаларды қаржыландыруды жалғастырды», – деді Мәди Тәкиев.
Оның сөзінше, өткен жылы бюджеттік шығындардың тиімділігін қатаң бағалауға көшу процесі де басталған.
Министр Үкіметтің алдағы уақытта да барлық өзекті мәселелер бойынша Мәжіліс депутаттарымен бірлесіп жұмысын жалғастыратынын атап өтті.
Сөз соңында Мәди Тәкиев депутаттарды Үкіметтің 2025 жылғы республикалық бюджеттің орындалуы жөніндегі есебін қолдауға шақырды.
