Қапшағай су қоймасында екі жас суға батып көз жұмды

Құтқарушылар оқиға орнына жеткенге дейін демалушылар жағалаудан шамамен 30 метр қашықтықтан 2006 жылы туған бойжеткеннің денесін судан алып шыққан.

Ал 2004 жылы туған жігітті іздеу үшін Алматы облысы ТЖД жедел-құтқару жасағының қызметкерлері дереу іздестіру-құтқару жұмыстарын бастады. Құтқарушылар тәулік бойы үздіксіз іздеу жүргізіп, 2 шілде күні таңертең жігіттің денесін су қоймасының жағалауынан тапты.

Алдын ала мәлімет бойынша, екі жас бірге шомылып жүрген.

Оқиғаға байланысты Төтенше жағдайлар министрлігі азаматтарды судағы қауіпсіздік талаптарын қатаң сақтауға шақырды. Ведомство арнайы жабдықталмаған және шомылуға тыйым салынған орындарға суға түспеуге, тек ресми рұқсат етілген жағажайларды пайдалануға кеңес береді.

Сондай-ақ ата-аналарға балаларды су айдындарының маңында қараусыз қалдырмау қажеттігі ескертілді. Мамандардың айтуынша, қауіпсіздік ережелерін сақтау ғана мұндай қайғылы оқиғалардың алдын алуға мүмкіндік береді.