Алдын ала мәлімет бойынша, жүргізуші жердің батпақты екенін байқамай, көлікті тұтқыр топыраққа кіргізіп алған. Өз күшімен шығуға тырысқанымен, нәтиже болмаған соң құтқарушылардан көмек сұраған.
Оқиға орнына жедел жеткен құтқару бөлімінің мамандары рельефтің күрделілігіне қарамастан жоғары өтімді арнайы техниканы қолданған. Нәтижесінде көлік қауіпсіз жерге сүйреп шығарылды.
Ведомство мәліметінше, оқиға салдарынан зардап шеккендер жоқ.
Төтенше жағдайлар департаменті азаматтарды қар еру және су тасу кезеңінде аса сақ болуға шақырды.
«Топырақтың күйі мен көліктің өтімділік мүмкіндігін дұрыс бағалау қажет. Әсіресе су айдындарының маңындағы жер қазір өте қауіпті», – деп ескертті мамандар.
Құтқарушылар демалысқа шығу кезінде қауіпсіздік талаптарын сақтап, табиғи жағдайларды ескеруді ұсынады.
