Кездесудің алғашқы минуттарынан-ақ алматылықтар басымдыққа ие болғанымен, шабуылдарды голға айналдыру мүмкін болмады. Ал «Пафос» командасы алтыншы минуттан бастап 10 ойыншымен ойнауға мәжбүр болды – кипрлік футболшы тікелей қызыл қағаз алып, алаңнан қуылды.
Топтық кезеңнің үшінші турындағы матч Алматыдағы Орталық стадионда өтті. Кездесу Астана уақытымен 21:45-те басталып, оны республикалық «Qazaqstan» телеарнасы тікелей эфирде көрсетті.
Бұған дейінгі турларда «Қайрат» Лиссабонның «Спортингінен» 1:4, ал Мадридтің «Реалынан» 0:5 есебімен жеңіліп қалған еді. Ал «Пафос» өз кезегінде «Олимпиакоспен» 0:0 есебімен тең түсіп, «Бавариядан» 1:5 есебімен ұтылған болатын.
Келесі турда «Қайрат» сырт алаңда маңызды кездесуге шығып, плей-офф кезеңіне өту мүмкіндігін сақтап қалу үшін бар күшін салмақ.
