Прокуратура мәліметінше, күдікті аудандық тұрғын үй-коммуналдық шаруашылығы және тұрғын үй инспекциясы бөлімінде бас маман қызметін атқарған.
Тергеу нұсқасына сәйкес, ол бұрынғы қызметтік мәртебесі мен өзіне деген сенімді пайдаланып, кәсіпкерлерге мемлекеттен жер телімін рәсімдеуге көмектесетінін айтып, олардан ірі көлемде ақша алған.
Ведомство осы тәсілмен күдікті 20 миллион теңгеден астам қаражатты иемденген болуы мүмкін екенін айтады.
Аталған дерек бойынша 2026 жылғы 19 мамырда Қазақстан Республикасы Қылмыстық кодексінің 190-бабының 3-бөлігі 1-тармағы («Алаяқтық») бойынша сотқа дейінгі тергеу тіркелді.
Қылмыстық істі тергеу Кеген аудандық полиция бөліміне тапсырылған.
Қазіргі уақытта құқық қорғау органдары оқиғаның барлық мән-жайын анықтауға бағытталған қажетті тергеу әрекеттерін жүргізіп жатыр.
Прокуратура сотқа дейінгі тергеу жалғасып жатқанын атап өтті. Қазақстан Республикасының Қылмыстық-процестік кодексіне сәйкес, соттың заңды күшіне енген үкімі шыққанға дейін күдікті кінәсіз деп есептеледі.
