Iran Press басылымының мәліметінше, Тегеран Вашингтонды Иранның ядролық нысандарына қарсы әскери агрессия жасады, экономикалық санкциялар енгізді және күш қолданамыз деп қоқан-лоқы көрсетті деп айыптап отыр.
Шағым 1981 жылғы Алжир келісімдері аясында құрылған Иран-АҚШ арбитраждық трибуналында тіркелген. Иран тарапының мәлімдеуінше, талап арыз 2026 жылдың наурыз айында Иранға қарсы болған 12 күндік соғыс кезінде АҚШ халықаралық міндеттемелерді бұзды деген айып негізінде берілген.
№A-34 ісі ретінде тіркелген құжатта Тегеран АҚШ тарапынан жіберілді деп есептелетін бірнеше заңбұзушылықты атаған. Олардың қатарында әскери қақтығыс, экономикалық санкциялар және күш қолдану қаупі бар.
Иран трибуналдан АҚШ-ты Алжир келісімдерінің 1-тармағын бұзды деп тануды сұрады. Сонымен қатар Тегеран Вашингтоннан Иранның ішкі ісіне тікелей және жанама араласуды тоқтатуды, мұндай әрекеттердің қайталанбауына кепілдік беруді және келтірілген шығын үшін толық өтемақы төлеуді талап етуде.
Алжир келісімдерінің 1-тармағына сәйкес, АҚШ Иранның ішкі ісіне тікелей немесе жанама, саяси не әскери араласудан бас тартуға міндеттеме алған.
