25 қарашада Мемлекет басшысы отандық спортты дамытуға сіңірген елеулі еңбегі үшін Геннадий Головкинді І дәрежелі «Барыс» орденімен марапаттаған болатын.
«Бүгін мен жоғары мемлекеттік награда – I дәрежелі «Барыс» орденімен марапатталдым. Бұл мен үшін зор құрмет. Мен әрдайым әуесқой бокста да, кәсіпқой рингте де Қазақстан атынан шығып келдім. Осы жолда елімнің намысын лайықты қорғадым.⠀Еңбегімді жоғары бағалап, сенім артқаны үшін президент Қасым-Жомарт Тоқаевқа алғыс айтамын.⠀Барлық қазақстандыққа шынайы ризашылығымды білдіремін. Сіздер өмірімнің әр кезеңінде қасымда болдыңыздар. Қолдауларыңыз маған әрдайым күш беріп, жаңа жеңістерге жігерлендірді.⠀Қазір World Boxing ұйымын басқара отырып, әлемдік бокстың дамуына үлес қосу үшін жұмысты жалғастырудамын», деп жазды әлеуметтік парақшасында Геннадий Головкин.
