Мәліметке сәйкес, «112» пультіне аталған ауданда тұрғын үйдің жанғаны туралы хабарлама түскен. Оқиға орнына жедел жеткен өрт сөндіру бөлімшелері бірден тілсіз жаумен күреске кіріскен.
Өртті сөндіру барысында құтқарушылар өрт ошағынан екі газ баллонын қауіпсіз жерге шығарып үлгерді. Бұл ықтимал жарылыстың алдын алып, жалынның көрші үйлерге таралуына жол бермеді. Сондай-ақ шаруашылық құрылыстарды сақтап қалуға мүмкіндік берілді.
Өрт қысқа мерзімде толықтай сөндірілді. Алдын ала мәлімет бойынша, зардап шеккендер жоқ.
Алматы облысы Төтенше жағдайлар департаменті тұрғындарға тұрмыста өрт қауіпсіздігі ережелерін қатаң сақтауды еске салды.
