Мекеме мәліметінше, бұған дейін жылжымайтын мүлік объектілеріне техникалық паспорт беру қызметі eGov.kz порталында жаңартылған болатын. Енді аталған қызмет мобильді қосымшада да қолжетімді.
Осылайша, азаматтар техникалық паспортты алу үшін компьютер пайдаланбай-ақ, өтінімді смартфон арқылы рәсімдей алады.
Сонымен қатар, пайдаланушылар үшін қызметті eGov Mobile арқылы алу тәртібі түсіндірілген арнайы бейнеролик те әзірленген.
eGov.kz порталы арқылы техникалық паспортты қалай рәсімдеуге болады?
Ол үшін:
- басты беттен «Азаматтарға» → «Жылжымайтын мүлік» бөліміне өту;
- «Тұрғын үй қатынастары» бөлімінен «Жылжымайтын мүлік объектілеріне техникалық паспорт беру» қызметін таңдау;
- қажетті мәліметтердің барлығын толтыру;
- өтінімге электрондық қолтаңбамен қол қойып, нәтижесін жеке кабинеттен алу қажет.
Айта кетейік, мемлекеттік қызметтерді цифрландыру азаматтардың уақытын үнемдеуге және мемлекеттік қызметтерді қашықтан алу мүмкіндігін кеңейтуге бағытталған.
