“Қкзгидромет” РМК 9 қыркүйек еліміздің бірнеше өңірінде ауа райына байланысты ескерту жариялады, деп хабарлайды alataunews.kz.
Алматы облысының оңтүстік және таулы аудандарында солтүстік-шығыстан соққан желдің жылдамдығы 15-20 м/с-қа жетеді. Облыстың солтүстігінде жоғары өрт қаупі сақталады.
Жетісу облысында солтүстік-шығыстан жел соғып, Алакөл маңында желдің жылдамдығы 15-20 м/с-қа дейін жетеді. Облыстың солтүстігінде төтенше өрт қаупі, ал батысында жоғары өрт қаупі сақталады.
Қарағанды облысының солтүстік және шығыс аудандарында тұман болады деп күтілуде. Облыстың батысы мен шығысында да жоғары өрт қаупі бар.
Ұлытау облысының көп бөлігінде жоғары, ал оңтүстігінде төтенше өрт қаупі сақталады.
Батыс Қазақстан облысының солтүстік және солтүстік-шығысында жоғары өрт қаупі бар, ал облыстың көп жерлерінде төтенше өрт қаупі сақталады.
Солтүстік Қазақстан облысының оңтүстік, батыс және солтүстік бөліктерінде тұман түсуі мүмкін.
Ақмола облысының солтүстігінде, шығысында және оңтүстігінде тұман күтіледі.
Атырау облысының басым бөлігінде төтенше өрт қаупі сақталып отыр.
Маңғыстау облысының солтүстік-шығысында тұман күтіледі, ал облыстың батысында күндіз шығыс және оңтүстік-шығыстан соққан желдің екпіні 15-20 м/с-қа дейін жетуі мүмкін. Мұнда да төтенше өрт қаупі сақталады.
Қызылорда облысында төтенше өрт қаупі басым, ал солтүстік-шығысында жоғары өрт қаупі бар.
Астанада түнде және таңертең тұман күтілуде.
Қостанай облысының солтүстік, оңтүстік және шығыс аудандарында тұман күтіліп, оңтүстігінде жоғары өрт қаупі сақталады.
Ақтөбе облысының батыс, оңтүстік және орталық аудандарында жоғары өрт қаупі бар.
Абай облысының батыс, солтүстік-батыс және оңтүстігінде төтенше өрт қаупі сақталады.
Павлодар облысының оңтүстік және батыс аудандарында тұман болады.
Түркістан облысында солтүстік-шығыстан соғатын жел таулы аудандарда 15-20 м/с-қа дейін күшейеді, облыстың басым бөлігінде төтенше өрт қаупі сақталады.
Шымкентте де төтенше өрт қаупі сақталып отыр.
