Құтқарушылардың мәліметінше, 2009 жылы туған қыз бен 2008 жылы туған жасөспірім соқпақтан адасып, өз бетінше төменге түсе алмаған.
Оқиға орнына №23 әмбебап құтқару бөлімшесінің кезекші тобы және ТЖМ Апаттар медицинасы орталығының бригадасы жедел жеткен. Құтқарушылар «Шымбұлақ» тау-шаңғы курортына дейін барып, одан әрі «Кіші айналма» бағытына қарай бет алған. Берілген координаттар бойынша жасөспірімдер табылған.
Мамандар оларды тексеріп, қауіпсіз түрде төменге дейін алып түсіп, «Шымбұлақ» аумағына жеткізді. Түсу барысында бойжеткен ішінің ауырғанын айтып шағымданған.
Оған оқиға орнында Апаттар медицинасы орталығының қызметкерлері медициналық көмек көрсетіп, кейін Алматы қаласының ауруханасына жеткізген.
Құтқарушылар тауға шығатын азаматтарға қауіпсіздік ережелерін сақтап, маршрутты алдын ала жоспарлауға кеңес береді.
