Полиция мәліметінше, апат Foton және Mercedes-Benz Sprinter көліктерінің соқтығысуы салдарынан болған. Алдын ала дерекке сәйкес, Foton жүргізушісі екінші жолақтан кері бұрылу кезінде маневрдің қауіпсіз екеніне көз жеткізбей, қарсы бағытта келе жатқан шағын автобуспен соқтығысқан.
Оқиға куәгерлері апат сәтін видеоға түсіріп алған. Кадрлардан соққы көліктің бүйір бөлігіне тигені байқалады. Салдарынан есіктер қысылып қалып, кейбір жолаушыларды арнайы құралдардың көмегімен шығару қажет болған.
Оқиға орнына жеткен құтқарушылар адамдарды көліктен босатып, алғашқы көмек көрсетті. Кейін зардап шеккендердің барлығы медициналық мекемелерге жеткізілген.
Полиция аталған дерек бойынша қылмыстық іс қозғап, тергеу амалдарын бастады.
«Аталған факті бойынша қылмыстық іс қозғалды, барлық мән-жай анықталып жатыр», — деп хабарлады тәртіп сақшылары.
