Халықаралық жарысқа әртүрлі елдерден келген спортшылар қатысып, өзара мықтыны анықтады. Турнир барысында Алматы облысының құрамасы ересектер мен жастар санатында жоғары нәтижелерге қол жеткізіп, өңір спортының әлеуетін тағы бір мәрте дәлелдеді.
Ересектер арасындағы жарыста 75 келі салмақ дәрежесінде Расул Турғанжанов чемпион атанып, алтын медаль иеленді. Ал 70 келіге дейінгі салмақта Карина Исмаилова қарсыластарынан басым түсіп, жарыстың жеңімпазы болды.
Сонымен қатар, Ершат Бахтишатұлы (52 келі) күміс жүлдеге қол жеткізсе, Арзум Зунунов (65 келі), Ахилес Дилмуратов (70 келі), Дияр Хамраев (90 келі) және Сайдиакрам Раймов қола жүлдегерлер қатарынан көрінді.
Жастар арасындағы бәсекеде де Алматы облысының спортшылары жарқын нәтижелерімен ерекшеленді. Атап айтқанда, Рахим Саитов (48 келі), Ильдар Амирдинов (52 келі), Арсель Юнусов (56 келі), Сухраб Адилов (75 келі), Давран Марисов (+75 келі) және Илья Нурулламов (68 келі) алтын медаль жеңіп алды.
Сондай-ақ Альфидин Идакаев (60 келі) күміс жүлдеге ие болса, Идрис Абдулаев (60 келі) пен Фариз Азизов (70 келі) қола медаль еншіледі.
