Алдын ала мәліметтерге сәйкес, көшеде басталған жанжал кейін ірі қақтығысқа ұласқан. Куәгерлердің айтуынша және жергілікті әлеуметтік желілерде тараған ақпаратқа қарағанда, төбелеске қатысушылардың қолында өткір заттар болған. Қақтығыс кезінде суық қару қолданылған болуы мүмкін.
Қазіргі уақытта зардап шеккендер туралы мәлімет нақтыланып жатыр.
Алматы облыстық Полиция департаменті аталған дерек бойынша жедел-іздестіру шараларын бастағанын мәлімдеді.
«Оқиға орнында құқық қорғау органдарының қызметкерлері жұмыс істеп жатыр. Төбелеске қатысқан барлық тұлғалар, сондай-ақ жанжалды бастаған арандатушылар анықталуда», – деп хабарлады ведомство өкілдері.
Тәртіп сақшылары жағдайды бақылауға алып, ауыл аумағында қоғамдық қауіпсіздікті қамтамасыз ету шараларын күшейтті.
