Прокуратура мәліметінше, сағат 21:00-ден кейін құрамында спирті жоғары алкогольдік ішімдіктерді сатуға заңмен тыйым салынған. Соған қарамастан, жыл басынан бері аудан аумағында алкоголь өнімдерін түнгі уақытта сатудың 74 дерегі анықталған.
Аталған құқық бұзушылықтарға жол берген тұлғалар заңнамаға сәйкес жауапкершілікке тартылды.
Қадағалау органдары қабылданып жатқан шаралар оң нәтиже бере бастаған. Егер бұрын рейдтік іс-шаралар кезінде бірден 10-ға дейін құқық бұзушылық анықталса, қазіргі уақытта олардың саны 1-2 жағдайға дейін азайған.
Жүргізіліп жатқан жұмыстың тиімділігін елді мекен тұрғындары да атап өтуде.
