Жоңғар-Алатау мемлекеттік ұлттық табиғи паркі 2026 жылғы 21 сәуірде сирек кездесетін кадрларды жариялады. Ұлттық парк аумағында орнатылған фототұзақтар арқылы аюдың көктемгі алғашқы көрінісі тіркелген.
Мамандардың айтуынша, 2025 жылы Тянь-Шань қоңыр аюы фототұзаққа 14 наурызда түссе, 2026 жылы ол 5 наурызда байқалған. Бұл биыл көктемнің ерте келгенін аңғартады.
«Тянь-Шань қоңыр аюы – сирек әрі қорғауға алынған жануар. Сондықтан мұндай кадрлар ерекше маңызға ие», – деп атап өтті ұлттық парк өкілдері.
Айта кетейік, Тянь-Шань қоңыр аюы Халықаралық Қызыл кітапқа және Қазақстанның Қызыл кітабына енгізілген.
