Алматы облысының қылмыстық істер жөніндегі мамандандырылған ауданаралық соты аталған қылмыстық топ құрамында болған жеті шетел азаматына қатысты қылмыстық істі қарады.
Облыс прокуратурасының мәліметінше, құқық қорғау органдарының үйлестірілген жұмысының нәтижесінде өңір аумағында жұмыс істеген үш жасырын есірткі зертханасы анықталған.
Тінту барысында заңсыз айналымнан 90 келіден астам дайын синтетикалық психотроптық заттар, бір тоннадан астам прекурсорлар мен химиялық компоненттер, сондай-ақ есірткі өндіруге арналған арнайы құрал-жабдықтар тәркіленді.
Сот отырысы барысында мемлекеттік айыптаушы сотталушылардың кінәсін дәлелдейтін айғақтарды ұсынды.
Қылмыстық іс материалдарын жан-жақты зерттеу нәтижесінде сот айыпталушыларды кінәлі деп танып, оларды 19 жылдан 20 жылға дейінгі мерзімге бас бостандығынан айырды.
Сонымен қатар, сотталғандарға тиесілі үш тұрғын үй мен бірнеше автокөлік мемлекет кірісіне тәркіленді.
Прокуратура мәліметінше, аталған қылмыстық топ Алматы қаласы мен Алматы облысының аумағында синтетикалық есірткі заттарын кең көлемде таратып келген.
Құқық қорғау органдары жүргізген арнайы операция нәтижесінде қоғамдық қауіпсіздікке елеулі қатер төндірген ұйымдасқан желінің қызметі толық тоқтатылды.
Айта кетейік, сот үкімі әзірге заңды күшіне енген жоқ.
