Advertisement
Қазақстан жаңалықтары - Alataunews
  • Русский язык
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Whatsapp
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Қазақстан жаңалықтары - Alataunews
No Result
View All Result
Басты бет Жаңалықтар Аймақ

Алматы облысында Мемлекеттік қызметшілер күні аталып өтті

Алматы облысында Мемлекеттік қызметшілер күніне орай өңірдің түкпір-түкпірінде салтанатты іс-шаралар ұйымдастырылып, мемлекеттік басқару саласында жемісті еңбек етіп жүрген мамандар марапатталды, деп хабарлайды alataunews.kz.

Қорлан Нұрланқызы
24.06.2026
Аймақ, Алматы облысы, Жаңалықтар

Негізгі мерекелік жиын Қонаев қаласындағы Бердібек Соқпақбаев атындағы саябақта өтті. Салтанатты шараға Алматы облысының әкімі Марат Сұлтанғазиев қатысып, мемлекеттік қызметшілерді кәсіби мерекесімен құттықтады.

Аймақ басшысы өз сөзінде мемлекеттік қызмет елдің тұрақтылығы мен дамуының негізгі тіректерінің бірі екенін атап өтті. Сондай-ақ Қазақстандағы басқару мәдениетінің тамыры тереңде жатқанын айтып, қазіргі мемлекеттік жүйенің тарихи сабақтастығына тоқталды.

«Мемлекеттік қызметшінің ең үлкен марапаты – жоғары шен немесе лауазым емес, ол – халықтың алғысы мен шынайы сенімі. Әрбір қабылданған шешімнің артында азаматтардың тағдыры мен мемлекеттің беделі тұрғанын ұмытпауымыз қажет», – деді облыс әкімі.

Облыс әкімінің мәліметінше, бүгінде Алматы облысында 4 мыңнан астам мемлекеттік қызметші еңбек етеді. Оның 2,5 мыңға жуығы жергілікті атқарушы органдарда тұрғындармен тікелей жұмыс жүргізуде. Қызметкерлердің 52 пайызын әйелдер құраса, 35 жасқа дейінгі жастардың үлесі 40 пайызға жетеді.

Өңірдегі мемлекеттік қызмет саласында жоғары білікті мамандардың қатары да артып келеді. Қазіргі уақытта жүйеде магистратура мен докторантураны тәмамдаған 182 қызметкер, Қазақстан Республикасы Президентінің жанындағы Мемлекеттік басқару академиясы түлектері және халықаралық Болашақ халықаралық бағдарламасы бойынша білім алған мамандар жұмыс істейді.

Сонымен қатар, облыста мемлекеттік қызметкерлерді әлеуметтік қолдау бағытындағы бастамалар жүзеге асырылуда. Атап айтқанда, «Алатау жастары» бағдарламасы аясында жеңілдетілген ипотека беру және басқа өңірлерден келген мамандарға тұрғын үй төлемдерін қарастыру тетіктері енгізілген.

Мерекелік жиында кәсіби біліктілігі мен жауапкершілігі арқылы ерекшеленген қызметкерлер «Үздік мемлекеттік қызметші», «Мемлекеттік қызмет ардагері» төсбелгілерімен, Алматы облысы әкімінің Құрмет грамоталары және Алғыс хаттарымен марапатталды.

Марапат иелерінің бірі – облыс әкімі аппаратының бөлім басшысы Гүлнар Жорабаева. Ол мемлекеттік қызмет саласында 20 жылдан астам еңбек етіп келеді.

«Алматы облысы қайта құрылған кезде Қонаев қаласына алғашқылардың бірі болып келдік. Содан бері өңірдің дамуына өз үлесімізді қосып келеміз. Бұл марапат мен үшін үлкен жауапкершілік әрі еңбегіме берілген баға деп білемін», – деді ол.

Салтанатты шара барысында театрландырылған қойылымдар көрсетіліп, мемлекеттік қызметтің қоғамдағы маңызы кеңінен насихатталды. Мерекелік кеш қазақстандық өнер жұлдыздарының концерттік бағдарламасымен қорытындыланды.

Айта кетейік, Мемлекеттік қызметшілер күні жыл сайын 23 маусымда аталып өтеді. Бұл күн мемлекеттік басқару жүйесінің тиімділігін арттыруға және халыққа сапалы қызмет көрсетуге үлес қосып жүрген мамандардың еңбегін дәріптеуге арналған.

Тегтер: Алматы облысыБасты жаңалықтарҚазақстан

Соңғы жаңалықтар

Қонаевта 250-ден астам сарапшы білім беруде жасанды интеллектіні қолдану мәселесін талқылады

Қорлан Нұрланқызы
20.11.2026

Интернеттегі алаяқтықтан сақ болайық

Акжаркын
20.11.2026

Нашақорлыққа жол жоқ: болашақ өз қолымызда

Акжаркын
20.11.2026

Алматы облысында үйдің шатыры өртеніп, бір бөлігі опырылды

Қорлан Нұрланқызы
20.11.2026

Өзбекстанда қазақ жазушысы Рахметолла Райымқұловтың ескерткіші ашылды

Қорлан Нұрланқызы
20.11.2026

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
ZERO.kz

© 2022-2024 www.alataunews.kz

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
  • Русский язык

© 2022-2024 www.alataunews.kz