Тергеу нұсқасына сәйкес, 1 мамырда ерлі-зайыптылар арасында жанжал болған. Дау кезінде әйел күйеуіне ас үй пышағымен жүрек тұсынан соққы жасаған. Ер адам алған жарақатынан көз жұмған. Осыдан кейін әйелге Қылмыстық кодекстің 99-бабы – «адам өлтіру» фактісі бойынша айып тағылған.
«Істі қарау кезінде алқабилер алқасы сотталушының өзіне тағылған қылмысты жасауда кінәсіз деп тапты. Алқабилердің шешімі негізінде сот айыпталушыны кінәсіз деп танып, ақтау үкімін шығарды», делінген сот хабарламасында.
Ақтау үкімі шыққаннан кейін сот әйелге қатысты қамауда ұстау түріндегі бұлтартпас шараның күшін жойды. Жәбірленуші тараптың материалдық және моральдық зиянды өтеу туралы азаматтық талап-арызы қанағаттандырылмады. Сот шығындары мемлекет есебіне жатқызылды.
