Айбол Рақымбаев 1991 жылы дүниеге келген. Жоғары білімді маман. 2012 жылы Халықаралық бизнес университетін «Экономика» мамандығы бойынша тәмамдаған. Ал 2024 жылы Q University академиясында экономика мамандығы бойынша магистр дәрежесін алған.
Еңбек жолын 2013 жылы «МФО 1 Кредит» жауапкершілігі шектеулі серіктестігінде несие менеджері қызметінен бастаған.
Әр жылдары Іле ауданында кәсіпкерлік саласы мен жергілікті мемлекеттік басқару құрылымдарында түрлі лауазымдарда еңбек етті. Атап айтқанда, аудандық кәсіпкерлік бөлімінің бас маманы, сектор меңгерушісі және бөлім басшысы, экономика және қаржы бөлімінің бас маманы қызметтерін атқарды. Сондай-ақ Жетіген және Энергетический ауылдық округтері әкімдерінің орынбасары болды.
Мемлекеттік қызметпен қатар ғылыми-техникалық сараптама саласында да еңбек еткен. Ол «Ұлттық мемлекеттік ғылыми-техникалық сараптама орталығы» акционерлік қоғамында бас маман қызметін атқарған.
2023 жылдың қараша айынан бастап Алматы облысының Кәсіпкерлік және индустриялық-инновациялық даму басқармасы басшысының орынбасары болып жұмыс істеді.
