34 жастағы тұрғын абайсызда суға құлап кеткен. Осыдан кейін оны суару каналының қатты ағысы іліп әкеткен.
Біршама уақыттан кейін ер адам құтқару арқанына жармасып үлгеріп, көмек келгенше сол жерде күткен.
Оның аман қалуына ТЖМ қызметкерлері мен гидроторап мамандарының жедел әрекеті себеп болған. Мамандар шұғыл түрде каналға су жіберуді тоқтатып, су ағынын басқа бағытқа бұрған.
Құтқарушылар зардап шеккен азаматты ауруханаға жеткізді.
Оқиға орнынан түсірілген кадрларда ер адамның туысы құтқарушылар мен көмек көрсеткен барлық мамандарға алғысын білдірген.
