Алматы облысы білім басқармасының мәліметінше, жаңа оқу жылында өңір бойынша 185 012 оқушығатегін және жеңілдетілген ыстық тамақ беріледі.
Бұл бағыттағы жұмыстар балалардың денсаулығын сақтауға, олардың дұрыс әрі құнарлы тамақтануын қамтамасыз етуге, сондай-ақ білім алушылар үшін қолайлы жағдай қалыптастыруға бағытталған.
Жаңа оқу жылына дайындық аясында мектеп асханаларының санитариялық талаптарға сәйкестігіне ерекше назар аударылып отыр. Сонымен қатар ұсынылатын тағамдардың сапасы мен қауіпсіздігін қамтамасыз ету бойынша тиісті жұмыстар жүргізілуде.
Оқушыларды сапалы ыстық тамақпен қамтамасыз ету білім беру ұйымдарындағы маңызды әлеуметтік бағыттардың бірі саналады. Осыған байланысты мектеп асханаларының дайындығы, тағам сапасы және санитариялық талаптардың сақталуы жаңа оқу жылы қарсаңында бақылауға алынған.
