Қуаныш Бақытұлы 1977 жылы дүниеге келген. Жоғары білімді.
1998 жылы Қазақ мемлекеттік әлем тілдері университетін «Іс жүргізуші – халықаралық деңгейдегі маман» мамандығы бойынша тәмамдаған. 2008 жылы Шымкент университетінде «Экономика» мамандығы бойынша, ал 2010 жылы Алматы үздіксіз білім беру университетінде «Құқықтану» мамандығы бойынша білім алған.
Еңбек жолын жеке секторда бастаған. Әр жылдары коммерциялық ұйымдарда менеджер, бас директордың көмекшісі, директордың орынбасары, бас менеджер және әкімшілік-шаруашылық бөлімінің менеджері қызметтерін атқарған.
Сондай-ақ Алматы қаласы Бостандық ауданы әкімінің аппаратында бас маман және аппарат басшысы, Алматы қаласы Кәсіпкерлік және өнеркәсіп басқармасында бөлім басшысы мен басқарма басшысының орынбасары, Алматы қаласының Әуезов және Алмалы аудандары әкімдерінің орынбасары, сондай-ақ «Халықаралық Алматы әуежайы» АҚ-да жүк тасымалы бөлімінің басшысы қызметтерінде жұмыс істеген.
2022 жылдың тамыз айынан бастап осы уақытқа дейін Алматы облысының Кәсіпкерлік және индустриялық-инновациялық даму басқармасының басшысы қызметін атқарды.
