Жергілікті ақпарат көздеріне сүйенсек, Таиландта Thana Marine 555 катері қозғалтқыштағы ақауға байланысты жергілікті уақыт бойынша таңғы 09:00 шамасында өртеніп, артынша жарылған. Төтенше жағдай кезінде катердің бортында капитан мен екі экипаж мүшесі болған.
БАҚ таратқан мәліметке сәйкес, катер Қазақстан мен Ресей азаматтарынан құралған туристерді тасымалдаған. Жалпы бортта 31 адам болған.
Оқиға салдарынан:
Капитан мен экипаж мүшесінің бірі күйік шалды;
Үш турист пен гид түрлі жарақаттар алған.
Қайғылы оқиға тіркелген сәтте теңіз қызметтері дереу оқиға орнына жіберілді, ал Таиландтың теңіз күзеті арнайы көмек көрсету үшін құтқару кемесін аттандырды.
Өрт салдарынан Thana Marine 555 катері толығымен зақымданды. Қазіргі уақытта оқиғаның нақты себептері анықталу үстінде.
