Сот Имамоғлыны Ыстамбұлдың бас прокуроры Акин Гюрлек пен оның отбасына қатысты «қызметтік міндетін атқарып жүрген шенеунікті көпшілік алдында қорлау» және «қоқан-лоққы көрсету» баптары бойынша кінәлі деп тапты. Бұл баптар оның 2025 жылғы панельдік пікірталас кезінде айтқан сөздеріне қатысты қозғалған.
Бастапқыда прокурорлар оған үш түрлі бап бойынша айып тағып, оның ішінде «терроризммен күреске қатысқан тұлғаларды қудалау» да бар болатын. Алайда сот Имамоғлыны дәл осы терроризмге қатысты бап бойынша ақтап шықты.
Сот үкімі бойынша:
«Шенеунікті көпшілік алдында қорлағаны» және «қоқан-лоққы көрсеткені» үшін – 1 жыл 5 ай 15 күн,
Қосымша – 2 ай 15 күн бас бостандығынан айыру жазасы тағайындалды.
Осылайша, жалпы үкім – 1 жыл 8 ай (немесе 20 ай) мерзімге бас бостандығынан айыру түрінде бекітілді.
Сот үкімінде бұл жаза саяси қызметке тыйым салу шарасын қамтымайтыны нақты көрсетілген. Яғни, Имамоғлыға саяси қызметпен айналысуына қатысты шектеу қойылмайды.
Бұл іс Түркияның ішкі саясатында үлкен резонанс тудырған істердің бірі саналады. Сот шешімі бойынша шағым түсіру мүмкіндігі қарастырылған.
