Биыл бұл шаруашылықтар 13,8 мың тонна көкөніс өндірді. Оның ішінде 8,2 мың тоннасы – қызанақ, 4,4 мың тоннасы – қияр өнімдері.
Өнімнің негізгі бөлігі Алматы қаласы мен көршілес аудандарға жеткізіледі. Бұл аймақтың қыс және көктем айларындағы импортқа тәуелділігін едәуір азайтуға мүмкіндік беріп отыр. Сарапшылардың болжамынша, 2026 жылға қарай жылыжай өнімінің көлемі 15 пайызға артады.
«Жылыжай шаруашылығын дамыту басым бағыттардың бірі. Біз фермерлерге жыл бойы жаңа піскен өнім өндіруге барлық жағдай жасап отырмыз», — деді Алматы облысының ауыл шаруашылығы басқармасының өкілі Ғалым Тоқпейісов.
Мамандардың пікірінше, жылыжай кешендерінің көбеюі ішкі нарықты отандық өніммен қамтуға, ауыл шаруашылығы өнімдерінің бағасын тұрақтандыруға және өңір экономикасын әртараптандыруға зор үлес қосуда.
