Осыған орай облыс әкімінің бірінші орынбасары Нұрлан Әбдірахим арнайы барып, жергілікті халықпен кездесті.
Кездесу барысында тұрғындардың өтінішін назарға алған облыс басшылығы жедел шаралар қабылдады. Атап айтқанда, 16 қыркүйектен бастап бағыттарға үш қосымша автобус қосылады. Сондай-ақ, маршрут ұзындығы екі шақырымға ұзартылады. Бұл шешім саяжай алабынан мектептерге қатынайтын балалар үшін едәуір қолайлы болмақ.
Әкімдіктен хабарлағандай, 2026 жылы аталмыш саяжай алабына ауылдық округ мәртебесі беріледі деп жоспарланып отыр. Мұндай мәртебе әлеуметтік нысандарды – мектеп, балабақша, медициналық пункттерді салуға құқықтық мүмкіндік туғызады.
Жергілікті тұрғындар атқарылған жұмыстарға ризашылықтарын білдірді.
«Біз өз мәселемізге бейжай қарамай, нақты шешім қабылдаған облыс басшылығына алғыс айтамыз», – деді «Мерей» алабының тұрғыны Ерлан Жансеитұлы.
«13-саяжай» алабындағы бұл өзгерістер ауыл тұрғындарының тұрмыс сапасын жақсартып қана қоймай, балалардың қауіпсіз әрі қолайлы жағдайда білім алуына жол ашады.
