Реаниматолог Рият Бакриевтің айтуынша, науқастардың барлығы «суға бату» диагнозымен түскен.
«Ең есте қалғаны – үш жасқа толмаған бала. Ол реанимацияға жеткенге дейін клиникалық өлім жағдайында болды. Алайда дәрігерлердің кәсіби әрекеттерінің арқасында өмірге қайта оралды. Мұнда жедел жәрдем бригадаларының еңбегі үлкен. Олар алғашқы көмек көрсетіп, қажетті дәрілерді енгізіп, қажет болса науқастарды өкпені жасанды желдету аппаратымен жеткізеді. Біз өз кезегімізде тәулік бойы бақылау мен ем жүргіземіз, – деді ол.
Дәрігердің сөзінше, ересектер арасындағы суға бату оқиғаларының 70–80%-ы алкогольдік ішімдік салдарынан болады. – Бұл – адамдардың өз өміріне жауапсыз қарауының көрінісі, – деп атап өтті маман.
12 тамыз – Халықаралық жастар күні қарсаңында Қонаев қаласының әкімі Асхат Бердіханов қаланың қауіпсіздігі мен дамуына үлес қосқан дәрігерлерді, құтқарушыларды және түрлі сала мамандарын алғыс хатпен марапаттады.
«Жастарымыз түрлі салада жетістікке жетіп, туған қаласының өркендеуіне айтарлықтай үлес қосып келеді. Біз әрқашан белсенді, мақсаткер жастарды қолдауға дайынбыз, – деді әкім.
Алматы облысының әкімі Марат Сұлтанғазиевтің алғыс хатына флайбордтан спорт шебері, Қонаевтың атын республика және халықаралық деңгейде танытып жүрген Олеся Колесниченко ие болды.
Марапат иелері қатарында:
-
8 адамды құтқарған құтқарушы Бекзат Рахимжанов;
-
6 адамды аман алып қалған құтқарушы Бақдәулет Тұрсын;
-
реанимация дәрігері Рият Бакриев және кіші медицина қызметкерлері Бақжан Искердір, Қанат Арынбаев;
-
энергетик Бекзат Тәнирберген;
-
«Қонаев Су Арнасы» ШЖҚ МКК қызметкері Даулет Ағайдаров;
-
«Қонаев Жылу орталығы» ШЖҚ МКК электромонтері Руслан Макатьев.
