Қазіргі таңда жүйе толыққанды жұмыс істеп тұр: тәулік бойы үздіксіз жұмыс істейтін камералар өңір аумағындағы жағдайды бақылауға мүмкіндік беріп отыр.
Жоба аясында 325 аппараттық-бағдарламалық кешен орнатылып, автомобиль жолдарын, аула аумақтарын және қоғамдық кеңістіктерді қамтитын 9 мыңнан астам бейнебақылау камерасы іске қосылды. Сондай-ақ бұрын бейнебақылау болмаған 32 шалғай елді мекенде жаңа жүйе орнатылды.
Жүйеден күтілетін нәтижелер айтарлықтай маңызды. Сарапшылардың болжамынша, қоғамдық орындардағы қылмыс деңгейі 40 пайызға дейін төмендейді. Ал жол-көлік оқиғалары салдарынан болатын өлім-жітім саны 50 пайыздан астам қысқаруы мүмкін.
«Sergek» – заманауи бейнебақылау технологиялары мен жасанды интеллект мүмкіндіктерін ұштастырған жүйе. Ол нақты уақыт режимінде жағдайды бақылап, кез келген оқиғаға жедел әрекет етуге мүмкіндік береді. Бұл өз кезегінде өңірдегі қоғамдық және жол қауіпсіздігін арттыруға ықпал етпек.
