Бүгін, 28 қазанда, «ҚазАвтоЖол» ұлттық операторы республикалық маңызды автожолдардағы ауа райының нашарлауы туралы ескерту жасады, деп хабарлайды alataunews.kz.
Ақпаратқа сәйкес, Ақмола, Ақтөбе, Абай, Павлодар, СҚО, Қарағанды, Қостанай, ШҚО және Ұлытау облыстарының кей аймақтарында қар аралас жаңбыр күтіледі. Атырау мен Батыс Қазақстан облыстарының кей жерлерінде де жаңбыр жаууы ықтимал.
Компания жүргізушілерге жолда қауіпсіздік ережелерін қатаң сақтап, ауа райының қолайсыздығын ескеруге кеңес берді. Қосымша ақпарат алу үшін 1403 байланыс орталығына тәулік бойы хабарласуға болады.
