Іздестіру жұмыстары 31 тамыздан бері тәулік бойы үздіксіз жүргізілді. Оған тікұшақ, ұшқышсыз ұшу аппараты, гидроакустикалық «Эхолот» құрылғысы, сондай-ақ 17 құтқарушы, 3 техника және 4 жүзу құралы жұмылдырылды.
Еске сала кетсек, 31 тамыз күні сағат 15:00 шамасында 9-шы насос станциясы маңында екі ер адам отырған қайық аударылып кеткен. Олардың бірі жағаға өздігінен шықса, екіншісі із-түссіз жоғалған еді.
«Алғашқы сағаттардан бастап Алматы облысы ТЖД құтқарушылары ауқымды іздестіру жұмысын жүргізді: моторлы қайықтардың көмегімен 30 шақырымға жуық аумақ тексерілді, сүңгуірлер бірнеше мәрте су астына түсті, шамамен 15 шақырым жағалау сызығы қаралды және әуе мониторингі үшін ҰҰА қолданылды.
Алматы облысы ТЖД қаза тапқан азаматтың туған-туыстары мен жақындарына көңіл айтады. Құтқарушылар тағы да ескертеді: судағы қауіпсіздік ережелерін сақтаңыздар, тек жарамды жүзу құралдарын пайдаланыңыздар және міндетті түрде құтқару кеудешесін киіңіздер.
Төтенше жағдай туындаған кезде 112 нөміріне қоңырау шалыңыз», – делінген ҚР ТЖМ хабарламасында.
Төтенше жағдай туындаған кезде «112» нөміріне хабарласу қажет.
